茶有多種，各有性格和等級之分。有沉厚樸實，有輕松飄逸，如流水行云。口味不同，對好茶標準有異。但總的來說，好茶有三個“唔得”。
一個是飲咗“唔笑唔得”。另一個是飲咗“唔開心唔得”。第三個是靚茶“唔飲唔得”。
靚茶甘香好味，喝后生津。口水分泌增加，個口自然微微張開，將口水留在口中，面口好似微微笑咁，所以謂之唔笑唔得。
人得到滿足，自然開心。兩三知己一齊嘆靚茶，氣氛投契，心情自然開朗，所以靚茶可以令你唔開心都唔得。
一流好茶，令人回味無窮，所以你話唔飲得唔得喇。
以上是一流好茶的特性。但如達到超一流的茶道是另外一個層面。接近古人陶淵明的名句“欲辯已忘言”。就是已由外而入內，達到一個滿足自在的意境，身體都好似不存在，有身體才可以用言語講嘢，如果沒有身體，怎可以講說話呢？所以想形容解釋都唔得，只可以體會，不可以言傳。